Hadien 37 snem ïoh ka Nongmensong Police Outpost da shlem treikam ba pur

0
Shillong, Naiwieng 17: Ka Nongmensong Police Outpost hadien ka jingshakri kumba 37 snem, mynta ka kynti kala ioh ïa ka jaka trei kam ba pura ha Lumphira ha Shillong, ïa kaba la plie paidbah da ka DGP ka Kong Idashisha Nongrang.
Ha kane ka sngi bap lie paidbah la ïa don lang da u heh ophisar ha ryngkat bad ki nongmih khmat ka thain.
Haba kren ha kane ka sngi, ka Kong Nongrang ka la iaroh ia u superintendent of police (sp) ka East Khasi Hills u bah Vivek Syiem uba la lah ban pyndep ïa kane ka jingtei hapoh ka mang tyngka kaba lah ban ioh.Ka la kyntu ïa ki pulit ban sumar bha ïa katei ka jaka bad ka la batai ïa ka kum ka nuksa kaba lah ban long na ka bynta kiwei pat ki outpost ha kylleng ka jylla.
Shwa kane, u SP ka East Khasi Hills u bah Vivek Syiem u la pynpaw ïa ka jingdon kam jong ka outpost ha kaba ai jingiada ïa ka shnong Nongmensong, Mawpat bad ki jaka ba marjan.
U la kdew ba ka jaka jong ka ka long kaba kongsan bha namar ba ka don hajan ka North Eastern Indira Gandhi Regional Institute of Health and Medical Sciences (NEIGRIHMS) bad ka lynti iaid ba kongsan kaba leit sha New Shillong.
U Bah Syiem u la pyntip ba katei ka Outpost ka la treikam na kawei ka iing kaba la shong wai ha Nongmensong Bazaar la jan dap 37 snem mynta.Ka Meghalaya Urban Development Authority ka la aiti ïa ka jaka kaba heh 17,608 square feet sha ki pulit jong ka district ha ka 4 tarik u Naitung 2024, kaba plie lad ban shna ïa ka jaka kaba neh.
Ïa kane ka ïing thymmai la tei ha ka jinglut kaba T.50 lak ba la mang na ka song pisa jong ka Police Infrastructure Renovation Fund (PIRF) na ka bynta u snem 2024-25.Ka jingtei ka la sdang ha u bnai Kyllalyngkot u snem 2026.
Leave A Reply

Your email address will not be published.