Ba jot shaba palat ki surok shnong ha Nongmensong leit kynduh CE ka KSU

0

Shillong, Naiwieng 16: Ka seng samla pule ka Khasi Student Union jong ka Nongmensong Unit ha ka sngi Nyngkong ki la ïakynduh ïa u Chief Engineer ka tnad PWD ba dei peit ïa ka surok haba ïadei bad ki surok shnong kiba la don kam shisha ban pynbha noh namar ki la sniew bad la jot rathai shaba palat.
Hadien ba la ïakynduh ïa u Chief Engineer ka PWD u samla Jeremaiah Pohthmi Presdient ka KSU Nongmensong haba kren ha ki lad pathai khubor u la ong ba ka jingsniew jong ki surok ka la buh ha ka jingma ïa ki nongleit nongwan ruh kiba ïaid ha kitei ki surok shnong.
U la ong haba peit ïa ka surok bah ha Nongmensong ka long kaba la itynnad shisha hynrei ki surok shnong ki long kiba sniew haduh katta katta bad kane ka la pynlong haduh ki nongshong shnong kim lah shuh ban set ïa ki kali jong ki ha la ki jong ki phyllaw ïing.
Haba ïadei bad ka jingsniew ki surok ha shnong Nongmensong ki paidbah kila ud sha ka seng bad kum ka seng kila leit ban jurip bad ki ïohi ba ki surok kila don kam shisha ban pynbha noh na ka liang jong ka PWD.
Ka jingdon ki surok shnong ki don haduh 25 tylli ei ei baroh bad napdeng kine ki don san tylli eiei ki bym long shuh ban ïaid ban ïeng bad ka jingleit jurip ka la long saw san sien eiei hynrei haduh mynta ki dangpra, na ka liang jong u Chief Engineer u la ong ba la dep ban khot tender ban maramot noh ïa ki surok bad shen yn sa lah ban leh ïa kaba dei ban leh.

Leave A Reply

Your email address will not be published.