Jowai, Naiwieng 13: Ka Lympung Invitation Football Knock Out Tournament 2026-27 ïa kaba la tip kum ka 3rd Secondary School Invitation Football Knock Out Tournament 2026-27 ba la pynïaid da ka Dorbar Shnong Muktapur yn sa sdang shen ïa ka ha kine ki khyndiat sngi ban wan.
Kane ka Tournament ka long kum shi bynta ban pynmih fund ïa ka Muktapur Secondary School, Muktapur kaba hap hapoh ka Amlarem Sub-division, West Jaintia Hills, kaba don ha ki thaiñ border bad ka ri Bangladesh kaba jngai kumba 27 KM na Amlarem bad 54 KM na ka District headquarter Jowai.
Ka khusnam baroh ka long ?.7 lak tyngka, ka kynhun kaba jop kan ïoh rah ïaka song pisa kaba ?.4 lak tyngka ha ryngkat bad ka trophy bad ka team kaba shah rem pat kan rah da ka song pisa kaba ?.3 lak tyngka kum juh bad ka trophy.
Kumta na ka liang ka Tournament Committee jong ka 3rd Secondary School invitation football knock out tournament 2026-27 lyngba ka kyrwoh na u Secretary jong ka, ka khot ka wer sngewbha ïa baroh ki shnong, ki dong, ki kynhun, ki Club, ki riew-shimet ban wan ïashim bynta shitrhem bad ai mynsiem, khnang ba yn lah ban pyntyllun ïa ki kam bapher bapher na ka bynta ban pynbha bad pynjanai ia ka School shnong.
Ia ki jingtip ba kham bniah lah ban phone ha kine ki number: 6909861509/7085963247.
Kum ban shu pynkynmaw, ba mynshem snem (2025-26) ka lahduh (champion) jong kane ka Tournament ka dei ka Syndai Bro’s.
