Shillong, Naiwieng 12: Ki nongtrei ka Meghalaya College Non-Teaching Employees’ Association (MCN-TEA) hadien ba la dep ban ai por ïa ka sorkar kala kut, kila rai ban sdang noh da ka jingïakhih ka jong ki halor ki mat jingdawa bym lah pynurlong ka sorkar jylla.
Haba ïa kren bad ki lad pathai khubor u Bah J Khongjoh u la iathuh ba ka Association kan pynlong shwa da ka shong kyllain mungor ha ka 17 tarik mynta u bnai Naiwieng bad ha kane ka jingïakhih yn ïa shim bynta da baroh ki nongtrei jong ki College kiba don hapoh Khasi Hills, Ri Bhoi bad ha Garo Hills.
Ïa jingïakhih shong kyllain mungor yn pynlong shwa hapoh la ki jong ki jong ki College bad ngin ym pat mih shabar bad lada ka sorkar kam leh eiei, lehse na ka liang jong ngi ngin sa dang peit sad a kino ki sienjam ba dei ban shim ban ïakhih kham tyngeh katba ka sorkar kam pat khot ban ïa thaw ïa ki lad ki lynti kumno ban leh halor ka jingdawa, ong u Bah Khongjoh.
Shuh shuh u Bah Khongjoh u la ong, ka jingmih sha khmat kadei halor ka jingbym jubab jong ka sorkar halor ka jingkyrpad kata ka long ban pyllait noh ïa ka DA jong ki kata ba 49%, 51 % bad kaba 53%.
U Bah Khongjoh u la ong, “Ngi lah ai por ïa ka sorkar ban pyllait noh ïa ka DA haduh ka shi tarik u Naiwieng mynta u snem bad na ka liang jong ka sorkar kam pat leh eiei haduh mynta bad ka leh bym suid niew ïa kane ka kam”.
“Ka long kaei kaei ba sngewsih ban ong ba na ka liang jong ka sorkar kaba dei ma ka ka kmie jong ngi kaba khmih bad kaba pynbiang ban peit ïa ka jingduna ki nongtrei hynrei hapoh ka jylla Meghalaya ka long da ka khongpong” u la ong
Shuh shuh u Bah Khongjoh u la ong ba ka jingmynthi jong ka sorkar ka lon kaei kaei kaba ngim lah ban pdiang bad kane ka jingle ka long kum ba ka suid niew ïa ki nongtrei kiba hap hapoh ka Defecit system
U la ong ba ka jingdawa ka jong ki ha ka jingshisha kadei kaba rit bha kaba ngi lah ban ong ba kadei tang da ki phew lak.
