Shillong, Naiwieng 11: U Bah Sanbor Shullai uba dei MLA ka 19 South Shillong u ba dei ruh u Myntri Sorkar u la kynnoh ba ka jingleh jong ka Joint Action Committee (JAC) pyrshah Ropeway ba kane baroh kadei ka jingleh politic.
U Bah Sanbor u la ong, “ba ki don 99 percent kiba kyrshan ïa ka sorkar bad ki tang kine khyndiat ngut kiba pyrshah namar bad a kaba shai ngan ong ba kadei ka jingle politic” u la ong bad bynrap “namar ba kim ïoh ka jingkyrshan na ki nongshong shnong kiba shongsuk shongsain bad kiba stad bad bad ba shemphang ta ka daw ki wanrah ïa ki nongkyrkait ban thmu pynklumar kiba nabar.
Haba kylli, u Bah Sanbor u la ong ba kane ka mat kanym ktah ïa nga ha ka election hynrei kan dang pynjop bun shah ban ïa kaba nga jop ha ka election ba lah dep.
Haba ong kadei ka jingle politic, u Bah Sanbor u la kdew ïa katto katne ngut kiba la ïakhun teng ïa ka election kum ka Kong Venitia Mawlong ba la ïakhun pyrshah bad nga ha ka election 2023 na ka party Congress bad iba la bat kum ka President ka NPP South Shillong hynrei mynta dang khyndiat por ila risain noh bad don ruh u wei ba la ïakhun MDC myn ha kane uba dei u jait Rynjah uba hylla ha khmat ha khmat uba dei na Lawsohtun.
U Bah Sanbor u la ong, Kiba don hangto kiba bun kidei ki dkhot jong ki seng sain pyrthei ba bun bad kane kadei buit sain pyrthei, kumta u la kyrpad ïa ki paidbah nongshong shnong kiba shongsuk shongsain ba kin bteng ban shongsuk shongsain.
Halor kane ka jingkynthoh u Bah Sanbor ba ka JAC ka leh Politic, kawei na ki dkhot jong ka JAC kaba wan ha katei ka jingialang bad tang marsien leit u Bah Sanbor kala ong “BaH Sanbor Shong ïing noh, hiar shuki noh ngin jied noh da kiwei.
