Nongpoh, Nailar 01: Shi bynta ban tynrong lem ïa ki ar tylli ki shnong ba kynthup ïaka shnong Umden Khasi bad Marngar Madan heh ba kin ioh ban pynbha bad maramot ïaki iing Dorbar u MLA ka Nongpoh u Bah Mayral Born Syiem, haka sngi Saitjaiñ u la leit ban aiti da ki tin sop iing sha kitei ki 2 tylli ki shnong bad kumjuh ruh la ioh ban aiti ïaki kor pynsawa, ki khiew sha ka shnong Marngar.
Haba kren haka jingïalang bala pynlong ha Umden bad Marngar naka liang u Bah Mayral Born Syiem u la pynpaw ba katei kadei ka jingïarap kaba rit sha ka shnong ba kin ioh ban pynbha bad maramot ïaki iing dorbar kumba la sakhi ba ki tin sop jong ka iing dorbar kila jot la pei bad la donkam ban maramot ba ka shnong kan ioh ban pyndonkam ban lait na u slap.
