Jowai, Naiwieng 09: Ka kynhun ïalehkai jong ka Ialong SC ka la mad ïa ka jingjop kaba suk da kaba pynjemkhnap haduh 7-0 ïa ka Mookyndur SC ha ka lympung ‘Super Division’ kaba la long hynne ka sngi Nyngkong (09 tarik u Naiwieng 2026).
ïa kane ka lympung kaba la tip ruh kum ka ‘Kesilroy Memorial Football League 2026’ la pynïaid daka Thadlaskeiñ Sport Association (TSA) ha Wahiajer Multi Sports Complex Stadium.
Haba phai sha ka jingïakhun naka liang ka kynhun ïalehkai jong ka Ialong SC kala jop da 7-0 kol ïaka Mookyndur SC.
U Bashan Pale u la long u namtam jong kane ka jingïalehkai da kaba pynkhihjar haduh saw sien marwei ha ka minit kaba 17, 20, 75 bad 78. Kiwei pat ki kol la thep da u Teibok Lyngdoh (39 & 67’) bad u Dangait Pale (90+2’).
La pyntip ba ka jingïalehkai Quarter Final jong ka First Division ha kane ka sngi Ba-ar (10.11.2026) kan long haka por 10 baje shiteng hapdeng Tyrshang SC pyrshah ïaka Namdong B. Katba haka ‘Super Division’ ka jingïakhun kan long hapdeng ka Wahiajer SC pyrshah ïaka Lurshai Larnai SC.
