Jowai, Naiwieng 08: Haka jingïalehkai mynta ka sngi (7-11-2026) kaba dei ruh ka Semi-Final ba nongkong jong ka 9th Inter-Dong Football Tournament 2026 bala pynïaid da ka Seng Samla Khlachympa Sports and Cultural Club Nongtalang, ha madan Nongtalang, hapdeng ka Amlariang Sports Club pyrshah ïa ka Nongtalang Khlachympa Sports and Cultural Club.
Na ka liang ka kynhun ïalehkai jong ka Amlariang SC kala pynliem ïaka Nongtalang Khlachympa SCC da 1-0 bad lyngba kane ka jingjop ka Amlariang SC kala rung syndon sha ka Final jong kane ka Tournament, kadei ruh ka sien ba nongkong ba ka Amlariang SC kala poi shaduh ka Final, ïa Kane ka shikol jong ka Amlariang SC kala wan lyngba ka jingbakla jong uwei na ki rangïalehkai jong ka Nongtalang Khlachympa SCC kaba ula kum thep ha la ka jong ka kol (own-goal).
Related Posts
Haba phai sha ka jingïalehkai mynta ka sngi ka long kaba itynnad shisha bad pynhun ïa ki nongpeitkai bad ka long ryngkat bor hynrei tang na ka jingbakla ka Nongtalang Khlachympa SCC kala shah rem da ka side haka Amlariang SC. Ïa ka Namtam (Man of the match) la ïoh da U Finance Bareh jong ka Amlariang SC.
Ka jingïalehkai Semi-Final ba ar kan long haka sngi nongkong (Monday) 9 tarik November 2026 haka por 2.30 baje nohphai sngi hapdeng ka Nongtalang Mission Youth Club pyrshah ïa ka New Nonglamin SC (defending champion 2025).