Jowai, Naiwieng 05: U Myntri Rangbah ka sorkar jylla u Conrad. K Sangma haka jingwan hiar jong u sha Jowai ban plie paidbah ïa ki projek bapher bapher mynta ka sngi 5 tarik u Naiwieng, 2026 ula ïoh lad ban leit jurip ïa ka Thadlaskeiñ Hospitality Complex hajan ka pung thadlaskeiñ kaba la kot sha ka 36 klur tyngka bad ka jingpyntrei ïaka kala ïaid beit shaid shaid hakhmat.
Ha kane ka Complex yn don ïa ki jaka sah Hotel, ki jaka pynlong jingïalang, ki jaka bam, ka children’s park bad kiwei ban kyntiew shuh shuh ïa ka kam jngohkai pyrthei hapoh ka West Jaiñtia Hills.
L apyntip naka liang ka sorkar kala pynlut haduh ?112.45 Klur haka kam jngohkai pyrthei hapoh ka District, ha kaba 3 tylli ki projek kiba shongdor ?14.91 Klur la pyndep, 4 tylli ki projek kiba shongdor ?92.49 Klur ki dang ïaid shakhmat bad 2 tylli ki projek kiba shongdor ?5.05 Klur ki dang ïaid shakhmat ban sdang pyntrei.
Ka jingtei ïa kane ka ‘Hospitality Complex’ kan ïarap shibun eh ban pynïoh kam ïa ki khun samla da ki spah nguh hapoh ka District.
