Shillong, Naiwieng 05: Ka Dorbar Shnong Laitumkhrah Pyllun ha ka kyrwoh khubor ka la pynbna ba yn nym shah ban die jingdie ha ki lynti ïaid kjat bad ki rud surok ha Laitumkhrah ha ka 8 tarik u Naiwieng namar ka jingdon jong ka jingïaid proseshon kaba heh jong ka Balang Katholik.
Ka dorbar ka la ong ba la pynjari ïa kane ka jingkhang ban lait na ka jingkhanglad ïa ka leit ka wan jong ki paidbah bad ki kali ha ka por ba ïaid proseshon.
Ka la kyrpad ruh ïa ki nongdie jingdie ban ïatreilang bad ban kiar na kaba buh ïa ki stall ha ki lynti ïaid kjat bad ki rud surok ha katei ka sngi.
