Bteng ka Pine Mount & St Edmund ban bat ïa ka nam lahduh ha ka 2nd Interschool Swimming Championship
Shillong, Risaw 25: Ka lympung ïakop jngi jong ka True North, ba la tip da ka 2nd All Shillong Inter-School Swimming Championship 2026, la ïoh ban pynlong ha ka sngi Saitjaiñ ha True North Fitness Centre and Swimming Academy ha Lapalang.
Ha kaba kut jong kane ka jingïakop kaba shi sngi, ka Pine Mount School ka la khur ïa ka nam ‘Best School’ ha ka kyrdan jong ki khynnah kynthei, katba ka St Edmund’s School ka la jop ïa kane ka khusnam na ka liang ki khynnah shynrang. Kine ki skul ki la long ruh kiba hakhmat eh ha ka sienjam ba nyngkong jong kane ka lympung ha u snem ba la dep, bad ki la lah ban ïada ïa ka nam lahduh jong ki ha kane ka kynti.
Ka kong Isawanda Laloo kaba dei ka Secretary jong ka tnad Sports, kaba la ïashim bynta lang kum ka kongsan ha ka sngi pynkut, da kaba sam ïa ki khusnam sha ki nongjop.
Ka khyllipmat kaba kyrpang jong kane ka sngi ka long ka jingpyni sap jngi hapdeng ar tylli ki kynhun na ka True North bad ka kynhun na Manipur, na ka bynta ki paidbah ban sakhi.
Kane ka jingïakop la plie tang ïa ki khynnah skul haduh ka klas 12, ha kaba ki nongjngi ki don naduh ka rta kaba 7 snem haduh 19 snem.
La sam ruh ïa ki khusnam shimet kum ka Best Swimmers ha man la ki kyrdan na ka bynta ki kynthei bad shynrang ban ithuh ïa ka sap ba ki la sei madan ha True North Leisure Centre.
Ki nongjop ïa ka khusnam Best Swimmer ki long:
1. Group A Boys (7-8 years) Neziah Kharkongor – BDW International School
2. Group A Girls (7-8 yrs) Hanania Eliana Kharkongor – Meghalaya Police Public School
3. Group B Boys (9-10 yrs) Issac CF Kharsati – St Edmund’s School
4. Group B Girls (9-10 yrs) Naphisa Doris Ksoo – Pine Mount School
5. Group C Boys (11-12 yrs) Ezra Abner Khonglam – St Edmund’s School
6. Group C Girls (11-12 yrs) Ira Neriyah Wahlang – Pine Mount School
7. Group D Boys (13-14 yrs) Meiaipynsan Lyngdoh Tron – Seven Set School
8. Group D Girls (13-14 yrs) Veram Gedaliah Nongsiej – Kendriya Vidyalaya EAC
9. Group E Boys (15-16 yrs) Ahmetoda Mawa – Government Boys School
10.Group E Girls (15-16 yrs) Tvisha Jalewa – Loreto Convent & Nazareen Pariong – KJP Girls School
11. Group F Boys (17-19 yrs) Wanshan-Ia-U Allya – BK Bajoria