Jowai, Risaw 25: Ka lympung ïalehkai phutbol ‘Quarter Final’ jong ka kyrdan 1st Division League kaba la tip kum ka Thomas Nongtdu Memorial Trophy, kaba la pynïaid daka East Jaiñtia Hills District Football Association (EJHDFA), kaba la long haka sngi saitjaiñ 24 tarik Risaw, 2026 kaba la pynlong ha madan Artificial Diengshynrum, Khliehriat.
Haba phai sha ka jingïakhun ba nyngkong kaba la long hapdeng ka Khliehriat East YWSC pyrshah ïa ka R.Iawpynsing SC, kila poi sha ka jingïakhaid da 2-2 kol. Ïa ki kol na ka Khliehriat East YWSC, la thep da u Roikhihbha Nongtdu haka minit kaba 31 (Penalty) bad haka minit 62. Katba ïa ki kol naka R Iawpynsing SC, la thep da u Emaroy Dkhar haka minit ba 71 bad u Mebankyrkhu Dkhar haka minit ba 80. Hadien kane ka jingïakhaid jong ka jingiakhun la pynlong da ka jingshut Tie Breaker, ha kaba ka Khliehriat East YWSC ka la jop da 3-2 kol ïa ka R.Iawpynsing SC.
Katba haka jingïakhun quarter final kaba ar hapdeng ka R.Synrangshahkhain SC pyrshah ïa ka Lumshnong YWSC, kine ki kynhun kila poi sha ka jingïakhaid khlen don kiba ïoh ban thep kol (0-0), ïa kine ki kynhuh ruh la pynïakhun daka jingïashut Tie Breaker ha kaba ka R.Synrangshahkhain SC ka jop da 4-3 kol ïa ka Lumshnong YWSC. Lyngba kane ka jingjop kine ki ar kynhun kila ïoh ban rung sha ka Semi Final jong kane ka lympung ïalehkai.
Ïa ka nam player of the match la ïoh da u Roikhihbha Nongtdu jong ka Khliehriat East YWSC u ba la ïoh ban thep 2 bad u Raplangki Lyngdoh naka R.Synrangshahkhain SC kum u Outstanding Performance.
