Thaw ka sorkar da ka Water Policy naba ïohi ïa ka jingsdang ban kyrduh slap ka jylla mynta snem

Shillong, Risaw 18: Ki paidbah nongshong shnong ka jylla Meghalaya mynta u snem 2026 kila sdang ban sngewthuh ïa ka jingduna jong ka jingwan jong u slap, ha kaba ki paidbah ka Sohra, Mawsynram, Mawkyrwat bad ka Pynursla kila ud ïa ka jingduna slap, khamtam kine ki shnong kidei ruh kiba ju bna nam mynshwa kim ki shnong kiba ïoh bha ïa u slap uba jur.
Kane ka jingduna slap ka la wan rah ïa ka jingduna ki um ha ki wah bad kane ka la buh ïa ka sorkar ha ka jingeh kaba khraw kumno ban ïa khun pyrshah ïa kane ka jingduna ka jinghap jong u slap namar ka um ka long ka jingim ïa u khun bynriew. Ka jingduna slap mynta u snem ka long kumba 60% eiei.
U Myntri rangbah ka jylla u Conrad K Sangma u la ïohi ïa kane ka jingeh bad dei halor kane ba ha kine kin snem kiba la dep ka sorkar kala thaw ïa ka Water Policy bad kane ka dei kaba nyngkong eh ka Policy ha ka Ri India.
Ka sorkar ka la buh ïa ka thong kaba ha khmat eh ban ïaleh ban pynneh ïa ki um ki wah da kaba shna ïa ki jingpynlang um ha ka jingïatreilang bad ki shnong ki thaw ha kylleng jong ka jylla bad kine ki jingtei ki la sdang ban paw bad kylla ruh ki jaka jngohkai pyrthei kiba kongsan ha kane ka jylla.