Shillong, Risaw 13: Ka jingkylla ha ka saiñ pyrthei ha ka party United Democratic Party ka la wanrah ruh ïa ka jingkylla ha ka jingdon liang ki MDC ha ka ïing dorbar thaw aiñ jong ka Khasi Hills Autonomous District Council ha kaba ar ngut ki MDC kila kylla sha ka party Bharatiya Janata Party.
Kine ki ar ngut ki MDC kiba dei na ka party UDP kiba la pynïasoh kum ki MLA sha ka party UDP ki long u Bah Pius Marwein na 26-Langrin MDC Konstitwensi bad u Bah Synshar Kupar R Thabah na ka 22-Nongspung-Sohïong MDC Konstitwensi, kane ka long ka sien kaba nyngkong eh ha ka khana pateng ba ka party BJP kan don ar ngut ki MDC ha KHADC.
Lah ban ong ba da kane ka jingkylla ka party UDP kaba la ïoh ban bat ïa kam nongïalam ha ka liang pyrshah ha kine ki por kiba la dep ka dei namar ba ki don san ngut ki MDC, u Bah Barikupar Synrem 11-Shella, Bah Tistosstarwell Chyne 13-Sohra, u Bah Equator Nongrang 23-Mairang-Nongkhlaw, kaba mut ka don sa lai ngut MDC ha KHADC.
Katba ka NPP mynta ka don saw ngut ki MDC, u Bah Sosthenes Sohtun na 1-Jirang, ka Kong Rona Khymdeit na 2-Nongpoh, u Bah Alvin Khyriem Sawkmie na 12-Mawsynram bad ka Kong Grace Mary Kharpuri na 10-Nongshken MDC Konstitwensi.
Ka jingdon ki MDC mynta ha KHADC ki long, 4 ngut na ka NPP, 3 ngut na ka UDP, 2 ngut na ka BJP, 1.HSPDP, 1 Independent kiba don ha ka liang pyrshah, ïa u nongïalam ka liang pyrshah hapoh ka ïing dorbar KHADC la shim na ka party ba don bun eh ki MDC bad ha kane ka kynti kaba mynta ka NPP ka don bun ki MDC kaba ki don 4 ngut bad shuh shuh lah ban ong ba ym pat lah ban tip ba ka saiñ pyrthei ha kane ka jylla ka dang lah shuh shuh ban kylla ha shwa ka elekshon sha ka Meghalaya Legislative Assrmbly ha ki por ban wan.
