Shillong, Naitung, 30: U Symbud Myntri Rangbah ka jylla u ban Prestone Tynsong ula ïathuh ba ka sorkar kumba ka la buh thong kumta ruh kan pyndep ban pynpoi bor ding sha baroh ki shnong hapoh ka jylla.
“ Ngi donkam ban pynpoi bording eletrik sha baroh ki shnong hapoh ka jylla kata ka dei ka thong kaba hakhmat eh jongka sorkar. Tangba hooid ha ka jingpyntreikam ki don bun ki diengpyngkiang hynrei wat la katta ruh ngi buh thong beit ban pyndep ïa kaei kaba ngi la buh hakhmat” ong u Symbud Myntri Rangbah uba dei peit ïa ka tnad pynmih bording ha ka jylla.
U la ong hooid ym lah ban len ki don ki shnong kiba la ïoh bording tang shiteng shilliang, ki don ki bym pat ïoh ruh hynrei ka sorkar kala buh thong ban pynpoi bor ding beit sha baroh bad ban pyndep ïa kito kiba ïoh shiteng shilliang ruh. Kumba long tharai sa kumba 15 haduh 18 % duh kiba la poi ka bording shiteng shilliang ki shnong bad kumba 4-5 % kiba ym pat poi ka bor ding. ïa kine ka sorkar kan pyndep beit kat kum ka prokram ba la buh ban pyndep.
