Pynkylla tarik ka sorkar ïa ka sngi shuti Maha Navami bad Maha Dashami ha ka por Durga Puja

Shillong, Risaw 6: Ka sorkar Meghalaya ka la pynthymmai ïa ki tarik ban pynlong ïa ki sngi shuti jong ka jylla ha ka leh niam Maha Navami bad Maha Dashami ha ka por Durga Puja.
Ka tnad General Administration (A) Department ka la pynmih ïa ka jingpynbeit thymmai ha ka 5 tarik u Risaw, 2026, da kaba pynkylla ïa ka jingpynbna shuti ba kham mynshuwa jong ka ha ka 21 tarik u Risaw, 2025.
Hapoh jong ka por ba la pynkylla thymmai, ïa ki sngi shuti jong ka Maha Navami bad Maha Dashami yn rakhe ha ka 20 bad 21 tarik mynta u bnai Risaw, 2026, ha ka jaka jong ki tarik ba la pynbna kham mynshwa kata ka 19 bad 20 tarik Risaw.
Ki tarik ba la pynkylla ki treikam na ka bynta ki shuti ba la buh kyrteng hapoh baroh ar ki Annexure-I (General Holiday) bad ka Annexure-II (Holidays under the Negotiable Instruments Act, 1881).
Ïa kane ka jingpynbna la pynmih da u Bah C. V. D. Diengdoh, IAS, Commissioner bad Secretary jong ka sorkar Meghalaya, lyngba ka tnad General Administration (A) Department.