Halor ka kynrum kynram thung kam nos ha MCH hospital yn lum sakhi ka inquiry committee

Nongstoiñ, Risaw 04: Namar ki kynrum kynram kiba la mih ha ka interview thung kam Nurses ha MCH hospital Nongstoiñ namar ki jingkynnoh thong pisa bad la pysngeh noh shuwa ïa katei ka interview la dep ban thung ïa ka inquiry committee kaba la khlieh da u bah H.Kharkongor Supritendent of Police ka West Khasi hills bad u bah E.Lyngdoh Excecutive Magistrate.
Kumta ka inquiry committee ha u kyrwoh khubor ba la phah mynta ka sngi ka la pyntip sha baroh kiba don kyrteng ha ka thup kaba ïadei bad katei ka jingjia ba ka komiti ka la ailad bad khot ïa baroh ba kin wan shakhmat ban ai ïa ki sakhi lyngba ki jingkren, jingthoh, ne jingujor halor kino kino ki jingbym beit kiba lah ban mih ha ka rukom pynïaid ïa ka recruitment.
Ka jingtohkit jogn ka Komiti ha kaba ïadei bad ki jingbymbeit, ka jingdawa pisa beaiñ bad ka jingpynbor ha ka jingpynbeit ïa ka selection.Ka komiti ka la btah ruh ba kino kino kiba la shah dawa pisa beaiñ ne shah pynbor kham ha suwa ne hadien ka interview ki lah ban wan ha khmat ka inmquiry committee ban ai jingkren bad ai jingujor da ki jingthoh lane ki sakhi kiba lah ban pynshisha kum ki audio, video, message logs bad ki jingtip ne sakhi ha kaba ïadei bad kaba khatduh lada don.
Kat kum ka jingpyntip la ong ruh ba ka jingsdang ban lum ïa ki jingkren kan sdang naduh 5 tarik haduh 9 tarik mynta u bnai Risaw ha ophis jong ka Deputy Commssioner West Khasi hills ha ka kamra No. 108 naduh ka por 10. baje mynstep haduh 4 baje janmiet Ka inquiry committee ka la pynthikna ruh ba ïa ki kyrteng jong ki candidates – witnesses ryngkat bad ki jingkren bad ki sakhi ba ki aitiyn sumar bha na ka bynta ban ïada ïa ki na kano kano ka jingpynshitom , pynibor ne jingpynshitom beiñ.
La kyntu ruh ïa kino kino kiba don jingtip halor kane ba kin wan sha khmat ban ïarap ïa ka inquiry committee ban pynthikna ba ka rukom thungkam kan long kaba khuid bad kaba shai kaba la pynshong nongrim kat kum ka jinglah ha ka merit list.