Shillong, Nailur 18: Ka kynhun ki thei ïalehkai jong ka Meghalaya, ka la pynjemkhnap ïa ka Jammu and Kashmir da 8-0 ha ka jingïalehkai ba nyngkong jong ka Group C ha ka lympung Dr Talimeren Ao National Football Championship na ka bynta ka Junior Girls (Tier 2) 2026-27.
Ka Meghalaya ka la lamkhmat lypa da 3-0 ha ka kylla step lyngba ki ar kol jong ka Peacefully Pohplet (3′, 21′) bad kawei na ka Nishalin Nongrum (34′).
Kiei kiei ki la nang kham seisoh shuh shuh ha ka kylla miet, ha kaba ka Meghalaya ka la ïoh ban thep sa san tylli ki kol lyngba ka Jenisha Rani (49’), ka Nishalin (66’) kaba la thep biang sa shisien, nangta ka Deiphi Bansara Lyngkhoi (68’) bad ka Bansara Lynshiang (83’, 90’+2).
Da kane ka jingjop kaba khraw ka Meghalaya kan ïakhun biang lashai ka sngi U Blei, pyrshah ïa ka Punjab ha ka por 8:30 baje mynstep.
Ki thei ïalehkai ka Meghalaya kiba la mih madan hynne ka sngi:
Dawansaphi Snaitang (GK) (sub Bakhamkor Mawlong 87′), Ripaia Phawa (sub Queenilia Kharnaior 87′), Paleimon L Lyngkhoi (sub Venecle Kharmusulman 72′), Daficare Lyngkhoi, Nishalin Nongrum, Bandabetshisha Nongrum, Peacefully Pohplet (sub Saphidabet Kharmalki 80′), Vanessa P Mawthoh, Saralang Lapang (sub Deiphiwansara Lyngkhoi HT), Jenisha Rani, Bansara Rynshiang
