Kyrpad ki sengbhalang na Garo Hills ïa u Myntri Rangbah ban pynbeit noh ïa u pud u sam bad ka Assam

Shillong, Nailur 13: Ki sengbhalang na ka thaiñ Garo Hills ki la kyrpad ïa u Myntri Rangbah ka jylla ba un shim khia ha kaba ïadei bad ka jingeh kaba ki mad ha u pud u sam jong ka jylla Assam kaba dei ha ka Raksamgre Civil Sub Division.
Ha ka kyrwoh khubor na ka liang jong kine ki sengbhalang ki la pynpaw ba kane ka jingeh kadei kaba la neh la slem bad ki la pynkynmaw ruh ïa ka shithi kaba ki la aiti ha ka 4 tarik u Nohprah, 2025 bad kaba la ong ba kane ka jingpynbeit ïa u pud u sam ka la dei kaba la buh naduh ba ïoh ka Meghalaya ïa la ka jong ka jylla.
Na ka liang ki sengbhalang ki la ong ba donkam ban jurip biang ha kaba ïadei bad kane ka kam kaba dei ruh na ka bynta ka bha ka miat jong ki nongshong shnong.
La ong ba ki païa ba la pynïeng ha u snem 1920 ha iew Rongsai bad ka jingkieng jong ka kala julor bad donkam ban pynbha bad na ka liang ka jylla Assam ka la ai ruh ïa ki kot ki sla sha ki nongshong shnong na ka bynta ban wanrah ïa ka suk ka saiñ ha kane ka thaiñ, kumta ki la kyntu ïa ka sorkar ba kan shimkhia ha kaba ïadei bad kane ka kam.