Sah sa 5 tylli ki Polling Station ha Jirang Constituency ban pyndep ïa ka jingpynsngew ïa ka SIR ha Ri-Bhoi

Nongpoh, Nailur 07: Ka hearing naka bynta ka jingpynbeit bad ujor ïaki kyrteng kiba bakla haka haka Special Intensive Revision jong ka thup kyrteng ki nongthep vote ka dang ïaid shaphrang ha Ri-Bhoi bad sah sa kumba 5 tylli ki polling station ha Jirang Constituency ha kaba ki ophisar ki dang trei shitom ban pyndep ïa kane ka jingpynbeit ha ka por kaba biang kumba la buh da ka Election Commission.
La kyrpad ruh ïaki paidbah ki bym pat dep ban pynbeit ba kin shimkhia ban pyndep noh kloi haka por bala buh, khnang ba yn lah ban pyndep haka por ba biang bad naka bynta ki jingtip ba bñiah bad jingpynshai shaphang ka SIR ki paidbah ki lah ban phone ha u number 9863985792.