Shillong, Nailur 04: Ka Meghalaya State Skilled Development Society (MSSDS) ka la ïoh ban pynlong ïa ka prokram pynïohkam ïa ki khun samla jong ka West Jaiñtia Hills District bad ha kane ka prokram kila don palat 1100 ngut ki samla na ki saw tylli ki Block bad napoh sor Jowai kila wan ban ïashim bynta.
Kane ka prokram ai kam ai jam ïa ki khun samla ka District kan ïarap ba kin ïoh ïa ka lad ban pynrung kyrteng ïalade na ka bynta kano kano ka kam kaba ïadei katkum ka jingpule, ka jingsngewtynnad bad ka kyrdan jong ki.
Na ka liang jong ka ophis MSSDS, West Jaiñtia Hills kala pyntip ba ka jingpynrung kyrteng ka dang plie, kumta kino kino ki samla kiba don jingmut ki lah ban wan mih sha ka ophis u Deputy Commissioner, Jowai ha ka mala kaba 3.
