Nongstoiñ, Nailur 03: Ha ka miet sngi hatmajai ka la don ka jing twa jong ki maw bah maw san ha ka surok National Highway 44 (E) Nongstoiñ by pass ha ka jaka kaba hap hapoh u pud u sam jong ka shnong Mawrusyiar West Khasi hills ha kaba kitei ki maw ki la set kut sbak ïa ka surok.
Ki nongñiah kali kiba ïaid lyngba katei ka surok ki la hap ban sangeh bad baroh shimiet ki la ïatrei shitom ban pynkunriah tang kat ban ngiam ki kali. Ka jingtwa jong kitei ki maw ka dei namar ka jingshong synjor bad namar ka dei ka aïom slap ka jingkyrsoi ka um slap ka khyndew ka kylla jem bad ki maw ki la hap kynsan brum ha pdeng surok.
Hadien ba la ïoh jingtip u nongthohkhubor u lahiar sha katei ka jaka bad la lap ba u rangbah snong jong ka Mawrusyiar bad ki paralok ki dang trei ban pynkynriah ïa ki maw.
La ïoh ruh ban ïa kren bad utei u rangbah shnong ha kaba u la ong ba hadien ba u la ïoh jingtip u la khot lang ïa ki katto katne ngut ki rangbah ban wan pynkynriah ïa kitei ki maw bad ban pynpait bad ban kit da ki kali sha shnong ban pyndon kam.
Ha kajuh ka por u la ong ba wat la kat katei ka jinghap jong ki maw ruh kaba don bok ka long ba ha ka por ba ki maw bah ki twa bad hap ha surok ym shym la don kano kano ka kali kaba ïeng ne ïad lyngba hynrei lada jia ba ki kali kiba ïaid na katei ka surok ki poi ha katei ka bynta ba ki maw ki hap khlem aratien ba ki kali iki la dambit syndon ha ka surok rong.
