Khlad noh ha shen u Rangbah ba thung baji ka Maruti 800 ha ka surok Jakrem–Rangmaw

Mawkyrwat, Nailur 02 : Uwei u briew uba ha ki karta 28 snem ka rta, na ka shnong Mawrap, South West Khasi Hills District, u la khlad noh ha shen hadien ba ka kali Maruti Car 800 kaba u ñiah ka la thung baji harud surok.
Katkum ka tyllong khubor, katei ka jingjia ka la jia ha ka miet jong ka 1 tarik u Nailur 2026, ha ka por kumba 10 baje ei ei, ha surok Jakrem–Rangmaw.
Une u briew uba la khlad la tip yrteng kum u Bah Plidor Ïawphñiaw, 28 snem bad u shongkha ha Shnong Rangmaw.
Hadien katei ka jingjia, ki pulit na Mawkyrwat Police Station ki la leit sha katei ka jaka ban jurip bad leh ïa ki kam kiba donkam bad ban pynlong ïa ka jingtohkit halor katei ka jingjia.