Ka phatok ka dei ka jaka kaba nang pynrhem ïa ka mynsiem jong ka jingïaleh na ka bynta ka jaidbynriew : President KSU

Shillong, Nailar 31 : Ki Nongïalam jongka KSU kiba shah kem ha ka jingjia ha ka 19 tarik ki la shah tian bishar biang mynta ka Lah Sngi U Blei hadien ba ki pulit ki la pynngat kyndon ba thymmai biang ïa ki.
Haba kren sha ki Lad Pathai khubor habar ka ïing Bishar u President ka KSU u Samla Raymond Kharjana u la ong ka jingthwet bad jingkem ïa ki nongïalam ka Seng haba don kino kino ki prokram jingïakhih ki dei kiba la ju jia long hi.
U la ong ba ka jingshah set phatok kan ym pyntlot ne pynduh jingkyrmen ïa ki jingïakhih ka Seng.
“ Ka jingpyrshang ban pynkylla sohpdung ïa ki nongïalam ka seng haba don kino kino ki prokram jingïakhih ka ju jia na ka por sha ka por. Hynrei tang kawei kaba nga kwah ban kren shai ba ka phatok ka dei ka jaka kaba la nang ai bor bad pynrhem ïa ka mynsiem jingïaleh na ka bynta ki mat jingdawa na ka bynta ka ri bad ka jaidbynriew” ong u samla Kharjana.
U General Secretary u samla Reuben Najiar u la ong ba ka Seng kan sa leh ïa kaba donkam ha ka por kaba biang.
“ Kam pher ki lah ban pynngat ïa ngi mynta kane ka dei ka por jong ki hynrei ngin sa ai ïa ka jubab ynda ngi la mih na phatok” ong u Samla Reuben.
ïa kine ki lai ngut ki Nongïalam ba kynthhup ïa u Vice President u Samla Pynkmenlang Sanmiet la kem bad pynngat ïa ki ha ki kyndon halor ki jingjia ha ka por ïaid paidbah ka KSU da ki thuk thuk ha ka 19 tarik.