Naduh sngi nyngkong yn sdang biang ïa ka jingbishar paidbah ïa ka SIR ha EKHD, ong u DC

Shillong, Nailar 29: Ka ophis jong u Deputy Commissioner ba dei peit ïa ka election, ka East Khasi Hills District, Shillong, ka la pynmih ïa ka jingpynbna ba ïa ki jingbishar paidbah haba ïadei bad ka Special Summary Revision kan sdang biang ha ka 31/08/2026.
Ki jingbishar paidbah biang ha kaba ïadei bad ka Special Summary Revision (SIR) kiba la dep buh sngi da ki Electoral Registration Officer bad Assistant Electoral Registration Officer bad kiba dei na ki Assembly Constituency bapher bapher jong ka East Khasi Hills District, kin sdang biang naduh ka 31 tarik Nailar 2026 shakhmat.
Katba ïa ka tarik, ka por bad ka jaka ba la pynkylla ïa kine ki jingbishar yn sa pyntip paidbah lyngba ki synjuk Dorbar Shnong lyngba ki tyndong jingpynsawa, ka jingphone beit na u Booth Level Officer (BLO) sha ki nongthep vote, ne lyngba kiwei de ki lad pathai khubor ba bit ba biang.