Shillong, Nailar 28: Ki Pulit kila ioh kem ïa lai ngut ki briew kiba dei na Tamulpur, Assam katba ki dang thmu ban leit die ïa ki thuk thuk.Ia kine ki briew la kem ha Weiloi, East Khasi Hills.
U Superintendent of Police ka East Khasi Hills Bah Vivek Syiem ula pyntip ba hadien ka jingioh khubor ha ka 27 tarik Nailar, ki Pulit ka Mawsynram kila pynlong ïa ka jingpynapshrip bad kila ioh kem ïa kine ki 3 ngut, katba uwei pat ula ioh phet sha khlaw.
Ki Pulit kila ioh kurup ïa lai tylli ki thuk thuk ba tuh-artylli ki Yamaha R15s (AS-01-FV-4193 bad AS-27-F-1263) bad ka Royal Enfield Hunter 350 (AS-25-Z-1346).
Ïa kine ki briew la rah noh sha thanad ban tohkit bad la pyntip ruh sha ki Pulit ka Assam.Ka jingthwet ïa uba lait phet ka dang ïaid shakhmat.
