Da ka Fact Fingding Committee thaw ka sorkar halor ka jingdawa ka KSU

Shillong, Nailar 26: U Myntri Rangbah ka jylla u Conrad K Sangma u la pyntip ba ka sorkar kala thaw da ka Fact Finding Committee halor ka jingdawa jong ka Khasi Student Union ban pynduh pyndan noh ïa ka public hearing kaba la pynlong jong ka Shree Cement kaba la pynlong ha East Jaintia Hills ha ka 31 tarik Naitung.
Haba kren bad ki lad pathai khubor u Conrad K Sangma u la ong ïa kane ka Committee yn khlieh da u heh ophisar jong ka sorkar bad kane ka committee kan long kaba laitluid bad u SP bad DC kin ym don bynta eiei ha kane ka Committee bad ha kane ka committee yn sa kynthup ia ki katto katne ngut kum ki dkhot.
Kane ka Committee kan wad ïa ki jingshisha halor katei ka public hearing la ki kynthup lang ne em ïa kiba ïa don bynta bad kumjuh ruh halor ka mariang kumba la pynsngew da ka KSU ba ki sengkhia ïa ka mariang khamtam eh ka jingdon jong ka kshaid, ki jaka rep bad kiwei kiwei, ong u Conrad.
Tad haduh ba dep ka kam baroh ki kam dei ban pynneh kumba long bad ki kam ki jam kim dei ban ïaid sha khmat bad baroh dei ban sangeh bad ïa ka fact finding committee yn ai lad ban leh ïa ka jingshisha bad sa aiti sha ka sorkar,
Shuh shuh u la ong tad haduh kumta, baroh ki kam dei ban sangeh bad kino kino ki jait kam kum ka jingtei ne kino kino ki kam dei ban sangeh baroh na ka liang jong ka Company.