Nongpoh, Nailar 20: Kawei ka kali Bolero jong ka tnad Water Resources, Ri Bhoi Division, ka la shah wiang ding hynne ka step phyrngap ha jaka pynieng kali ha ophis u Executive Engineer, Water Resources, Ri Bhoi Division, ha ka shnong Saiden.
Katkum ka jingïoh jingtip, katei ka jingjia kala jia haka por kumba 2 shiteng eiei mynstep ha kaba katei ka Bolero kaba don ïa u registration number ML-01-4464, kaba dei jong ka tnad, ryngkat kawei ka thuk thuk ar shaka kila ingkhong khait.
Shuh shuh halor katei ka jingjia la pyntip mar mar sha ki pulit bad kumjuh ruh sha ki pulit ka Fire & Emergency Services kiba la wan ban pynlip noh ïa ka ding, katba kawei pat ka kali kaba don ïa u registration number ML-01-5359 ka la julor malu mala, naka liang ki pulit ki dang pynlong ka jingtohkit halor katei ka jingjia.
