ïasoi MoU ka MBMA bad ka Spices Board ban ban pynkhlaiñ rep ïa ki jingthung ban pynkylla jingshoh

Shillong, Nailar 19 : Ka Meghalaya Basin Management Agency (MBMA) bad ka Spices Board, ka Sorkar India, ki la ïasoi ïa ka MoU ban kyntiew ïa ka kam rep ïa ki jingthung ba lah ban pynkylla jingshoh (spice) kaba neh bad kat kum ka jingstad saian ha Meghalaya, da kaba jingphai khmat ha kaban wanrah a ki lad kamai kiba heh dor na ka bynta ki nongrep.
ïa ka soskular la ïasoi ha ka sngi Balang hapoh ka ADB-financed Integrated Eco-tourism and Sustainable Agri-based Livelihood Development (IESALD) Project. Ka jingthmu ban pynkhlaiñ ïa ka jingïatreilang ha ka liang ka laiñ techninal bad kyrshan ïa ki nongrep ba kin shim ïa ka rukom rep kaba kham janai.
ïa ka MoU la ïasoi hapdeng u Gavede Sachin Shankar, Executive Director, MBMA bad ka Team Lead, Agriculture Component jong ka project, lem bad u M.S. Manivannan, Secretary, Spices Board, ha ka jingïadonlang u D. Vijay Kumar, Project Director ka ADB IESALD Project.
Ka jingïatreilang kan phaikhmat eh sha ka jingrep sohmarit iong, cardamom uba heh bad cinnamon- kiba lah ban ai ka kamai kaba heh haba kyrshan ïa kiwei pat ki jingrep kiba neh hapoh ka Jylla.
Ka Spices Board kan ai ia ki jingshemphang ha ka laiñ technical bad jingbtin lynti ïa ka rukom rep kat kum ka jingstad saian, ïarap ban pynkhlaiñ ïa ka jingpynmih jingshoh ka Jylla bad kyntiew ïa ka lad kamai na ka bynta ki paid nongrep.
Kiba la ïadon lang ha kane ka jingïasoi soskular ki kynthup ïa u Dharmendra Das, Director (Development), Spices Board, bad Dr John Jo Varghese, Scientist, Spices Board, nalor ki Ophisar na baroh arliang.