Nongpoh, Nailar 19: Ki briew bym lah ban ithuh hynnin ka miet kila wiang ding ïaki taiar kali ha ki ar jaka ha surok bah National Highway-6 ha Ri-Bhoi District.
Ka jingthang ïa ki taiar kala jia hapdeng surok bah National Highway 6 haka shnong Mawdiangum bad Umling kaba la wanrah ïa ka jingthut bad jingsyier khamtam ki paidbah kiba leit jingleit haka por mynmiet.
Mar ïa jingïoh jingtip halor kane, ki pulit ki la hiar mar mar ban pynlong ïa ka jingtohkit, bad pynlong ruh ïa ka jingthwet ban lap ïa ki briew kiba donkti ha kane ka kam.
Ha kajuh ka por, ki pulit pynlip ding na Nongpoh ki la wan poi bad ki la lah ban pynlip noh ïa ka ding kaba la klang na ki taiar ba la thang, bad naka liang ki pulit kila pynlong ruh ka jingpeitngor baroh shimiet haki surok bah ban lait na kino kino ki jingjia ba sngewsih.
