Mairang, Nailar 19 : Na ka bynta ban pyndep hok ïa ka kamram ba la bynshet ha kin a ka bynta ban pynrung kyrteng ha ka thup jong ki nongthep vote ha ka ri baroh kawei kumba la pynbeit da ka Election Commssion of India ha kaba baroh ki jylla bad ki Union Territory ki hap ban bud ryntih ban pynbiang kat kum ki kyndon ba la buh.
Haba phai ha ka jylla Meghalaya ruh ka jingpynrung kyrteng tymmai lyngba ka Special Intensive Revision ka la ïaid shait shait naduh ba sdang haduh kine ki sngi ha kaba ki BLOs , BLAs kiba la thung ha man la ki district ki la hap ban trei shitom ban pyndep ïa ka kamram ba la bynshet ha ki. Haba phai ha Eatern West Khasi hills ka jingpynrung kyrteng thymmai lyngba ka Special Intensive Revission ka long kaba ïaid beit ïaid ryntih bha bad ki BLOs , BLAs kiba la thung ki long ki long kiba trei shitom wat la ki hap ban rung haduh ki shnong kiba kyndong tam.
Nalor kata ki nognsynshar shnong bad ki paitbah nongshong shnong ha baroh kawei ka district ki ïatreilang ryngkat ryngkat na ka bynta ban pynbit pynbiang ïa ki kyrteng jong ki nongshnong shnong kiba dei hok ki trai shnong bad kiba la kynjoh khatphra snem ka karta ban pynrung ha ka thup kyrteng.
Ka jingtrei shtom jong ki BLOs ha Eatern West Khasi hills ban rung haman la ki shnong bad ki thliew ïng ha ki artylli ki Assembly Constituency ka 30 Mairang ST bad ka 31 Mawthadraishan ST ka pynsted bha ïa ka rukom trei kam ha kaba la lah ban pyndep ha ka por kaba biang . Kumta ka opis jong ka District Election Officer ka la dep ban pynrung ïa baroh ki kyrteng ha ka website ha kaba la dep ban pyllait paitbah. Kumta na ka liang ka District Election Officer ka la kyntu ïa ki nongshong shnong kiba la dep pynrung kyrteng lada ki don kano kano ka jingsngew artatien ïa ka rukom spel dak ïa ki kyrteng jong ki lane ïa ki kyrteng jong u kpa ne ka kmie kin sngewbha ban pyntip sha ki BLO lane ban peit lyngba ka website jong ka ophis jong ka District Electio Officer khnag ba kan ym pynartatien shuh ïa ki.
