Jowai, Nailar 16: Ha Jowai la rakhe ïa ka sngi laitluid ka Ri India kaba 80th Independence Day Celebration, 2026″ ha kane ka 15 tarik Nailar ha madan Jrisaleiñ bad ïa ka lama lai rong jong ka Ri la pynher da u Lamphang (Speaker) ka ïingdorbar thawaiñ ka jylla u Thomas A Sangma.
La ïoh ruh ïa ka jingïaid March Past bala shim bynta da ki 35 tylli ki contingents, kynthup na ka District Police Jowai, 42 Meghalaya BN NCC, Jowai, bad ki khynnah na ki 33 ki skul, la don ruh ki jingshad, ki rwai tynrai bad kiwei kiwei de.
Ha kane ka sngi la sam ruh ïa ki khusnam sha ki nongjop ha ka jingïaid March Past ïa ka nam ba nyngkong la ïoh rah da ka PM Shri School JNV Mukhla, Mukhla, ba ar ka Jaiñtia Higher Secondary School, Jowai bad balai ka Thadlaboh Presbyterian Higher Secondary School, Jowai.
Ïa kane ka juh ka jingrakhe ïoh laidluid la pynlong ha Amlarem Civil Sub Division ha Amlarem Secondary School, ha kaba u Nujorki Sungoh, MLA ka Mowkaiaw Constituency ula long kum u kongsan bad ha Hima Shangpung – Laskeiñ C&RD Block la pynlong ha madan Hula Playground Moosyiem, Shangpung, ha kaba ka Dr. M Ampareen Lyngdoh (MLA) kala long ka kongsan.
