Lap ka Committee u Justice Katakey ba jah rngai 28,379 MT u dewïong na ki jaka lum thup ha ka jylla

Shillong, Nailar 16 : Ka Committee jong u Justice BP Katakey ha ka kaiphod ba 39 ba ka la ai sha ka ïing Bishar High Court ka la lap ba ka la don ka jingjah rngai jongu dewiong haduh 28,369.44 MT na ki jaka ba la ithuh ban lum thup ïa u dewiong ha kylleng ki bynta jongka jylla bad halor kane ka Committee ka la ban jingpynshai na ka tnad Mining and Geology bad kumjuh ruh na ka Directorate of Mineral Resources.
Ha ka jingleit pynshisha jongka Committee sha kitei ki jaka ba la lum thup ïa u dewiong ka la lap ba mynta u dewiong u don sa tang 4,15,788.56 MT.
`Kine ki kynthup 1,03,318.56 MT ha ki jaka lum thup ba la ithuh, 2,91,066 MT ha ki jaka lum thup ban buh tang shippor, 21,404 MT ha kiwei pat ki jaka lum thup bad baroh u dei ban don 4,44,158 MT.
Ka Committee ka kheiñ lang ia 3,72,908 MT u dewiong ba la dep lilam ha ka 28,4.2026 bad 71,250 MT uba la dep kit da kiba ïoh ban lilam ïa u dewiong.
ïa utei u 71,250 MT la buh ha ki ar tylli ki jaka 12,190 MT ha Moo Pynieng, 3 kilo Sutnga, East Jaintia Hills bad 56,060 MT ha Madan Kyor Pailang, 4 Kilo Surok Sutnga.
Kat kum ka jingkhein ba la ai da ka tnad Mining and Geology u long tang 4,15,788.56 MT kaba mut u duna haduh 28,369.44 MT na kaei kaba u dei ban don 4,44,158 MT.
Kumta ka tnad Mining and Geology bad DMR ki dei ban ai jingpynshai shano u tei u dewiong uba 28,369.44 MT u jahrngai ong ka committee ha ka kaiphod jongka.