Nongpoh, Nailar 10: Ki Pulit ka Ri-Bhoi kila lap ïa uwei u samla u ba thiah lyngktar ha jaka pynieng kali ha Khanapara hajan ka J Marbaniang Petrol Pump.
Katkum ka kyrwoh naka Superintendent of Police ka Ri-Bhoi la pyntip ba haka 6 tarik Nailar 2026 ki pulit kila ioh jingtip ba la don uwei u briew ba thiah iap ha katei ka jaka bad mar mar kila leit ban pynlong ka jingtohkit bad ym don satia ba ithuh ïa utei u briew.
Haka jingtohkit ki pulit kila lap ïa u shabi kali kaba la suba ba kadei ka kali Tata magic, ha kaba naka liang ki pulit kila pyrshang ban kylli bad wad jingtip naki nongñiah tata magic ha katei ka thaiñ hynrei ym don ba ithuh satia bad hadien bala pyndep katkum ki kyndon jong ka aiñ la rah bad pynkit noh ïaka met sha Nongpoh Civil Hospital naka bynta ban leh ïaka Post Mortem.
Utei u briew bala antad haka rt aba 20-35 snem bad la suba ba udei nabar jylla bad don ruh ka jingdro tatoo haka kti kamon bad shadem, u don ruh ka jingjrong kumba 172 cm bad u phong ïaka patlun jeans rong blue, ka T Shirt rongktieh, u panpoh snieh bad kino kino kiba don jingtip shaphang jong u kin phone sha Police Control Room (PCR) Nongpoh ha u number +91 6909300160 lane Khanapara Police Station ha u number +91 6909300146.
