Ym pat lah shim rai halor ka kam tih maw tih shyiap, shen yn kynduh biang shwa ka Independent Day

Shillong, Nailar 07: Ka kynhun jong kiba tih Maw bad tih Shyiap hynne ka sngi kila leit ban ïa kynduh ïa kynduh ïa u Myntri Rangbah ka jylla u Conrad K Sangma halor ka jingeh ba ki kynduh.
Haba kren bad ki lad pathai khubor hadien ba la dep ban kynduh u Bah Egentstar Kurkalang u la ong, Ka jingïakynduh mynne ka sngi bad u Chief Minister kadei halor ka kam kaba ïa tyngkhuh jingeh ki paidbah ha kaba ïadei bad ka kam tih maw tih shyiap hapoh ka dong ka thain jong ka jylla bad khamtam eh ki jaka ba shah ktah ba kynthup ïa ka East Khasi Hills, West Khasi Hills bad Ri Bhoi.
U Bah Kurkalang u la ong, Ka jingïakynduh ka long beit halor ka kam ba lah sahteng naduh u snem 2025, ha kaba ha ka jingïalang ba khatduh kaba la ïa shong kadei ka Reviewving Committee ban kham pynsuk ïa ka Tripple MCR ka committee ba la khlieh da u Bah Prestone Tynsong uba dei u Symbud Myntri Rangbah ka jylla
Ka jingïa kren ka long ban buddien ïa kita ki kyndon ba dang ap ïa ka jingïapynbeit ïa ki katto katne ki bynta kiba na ka liang ka sorkar jylla ba la lam khmat da u Conrad K Sangma uba bat ïa ka tnad Forest ba u la rah sha ka Ministry ban pynbeit ïa kane ka kam, u la ong.
U Bah Kurkalang u la ong, Ïa kane ka kynhun ba la bsut thymmai ha ka MCR kaba dei ka ban ai ka jingiada bad ka jingai bor ïa ki nongtrei barit, kiba trei ha ki bynta ba khyndiat kaba ki ong ka Traditional Miner ki bym pyndonkam ïa ki mashin kiba heh bad kumta ter ter ba kin pynjynsur ïa ki katto katne tylli ki kyndon ba wanrah jingeh bad ka bym ïahap hi ruh ïa shisbun kiei kiei kiba ym ïahap dur.
Shuh shuh u la pyntip ba na ka liang jong ka sorkar kala shim khia bha bad ki khlem shong kli kti, te hynrei tad haduh mynta ym pat lah ban pynurlong namar ba hadien ba la rah u Conrad sha ka Ministry ki don ki bynta ba ïa tyngkhuh bad ka principal Act jong ka MMDR Act 1957 ka ban dang hap ban pynbha
Ngi la ïatai biang mynne ba yn khot sa kawei pat ka jingïalang ha shwa ka Indepemdent Day kaba lah ban long ha ka 12 ne 13 tarik mynta u Nailar khang ba ïa kane kam yn lah ban pynbeit ha kata ka rukom ka ban ïa biang lang ïa baroh ki liang bad kan ym don kano kano ka jingeh ïa ka sorkar ba kan ai bor bad ba kan ym ktah ïa ka imlang ka sahlang bad khamtam eh ïa ka umam umdih ïa ka surok kaba dei ka lynti ïaid jong u paidbah bad kiwei kiwei, u la ong.
Na ka liang jong ka Ministry kala bthah ïa ka sorkar jylla ba katkum ka proposal la buh myn ha kane lyngba ka sorkar kama shim da ka jingai jingmut na ki nong ïa don bynta lang, u la ong.
Ki bynta ba shah ktah ha East Khasi Hills ki kynhtup Umtyngngar, ka thain Mylliem ter ter haduh Mawkdok Laitkroh bad ka bynta jong ka thain Laitkor, Umphyrnai ter ter shaduh sha ka thain Mawlyngngad.