Nongpoh, Nailar 05: Bun naki kali kila sahkut ha surok bah National Highway 6 mynta ka janmiet haka shnong Quinine ha Ri-Bhoi District hadien ba uwei u diengbah u la khyllem kynsan hapdeng surok bad donbok ba ha kane ka jingjia ym shym don kano kano ka jingjia ba sngewsih.
Katkum ka jingtip ba la ïoh lum, kane ka jingjia ka la jia ha ka por kumba 3:30 janmiet, ha kaba utei u diengbah u la khyllem kynsan hapdeng ka jingther u lapbah, haduh bala wanrah ka jingdheng kali kaba jur.
Hadien kumba shi kynta, ki nongtrei jong ka NHAI ryngkat bad ki paidbah nongshong shnong ki la ïatreilang ban ot bad pynkynriah ïa utei u dieng na surok.
