Mairang, Nailar 06: Ka jingpynrung kyrteng thymmai ïa ki nongthep vote lyngba ka Special Intensive Revision ha ki artylli ki constituency kiba hap ha ka Eastern West Khasi hills district kata ka 30 Mairang Aseembly (ST) Constituency bad ka 31 Mawthadraishan (ST) Assembly constituency la lah ban pyndep kat kum ka por bad ka tarik ba la buh da ka Election Commission of India.
Kumta ha ka sngi balang ba la dep ka 5 tarik Nailar ka kong Anita Kharpor IAS District Election Officer jong ka Eastern West Khasi hills district ka la pynlait paitbah ïa ka thup kyrteng kumba la dep shon. Ïa kitei ki thup kyrteng la pyllait ha ka ophis trei kam jong ka District Election Officer ha ka jingïadon lang jong ki EROs, AEROs, ki nongmihkhmat na ki Seng Saiñpyrthei bap her ba pher , ki BLOs, BLAs.
Ka District Election Officer ka la pyntip ruh ba la dep ban pynrung ïa kitei ki thup kyrteng ha ka Website jong ka district bad Chife Electoral Officer bad ki paitbah ki lah ban ïoh ruh ïa kitei ki thup kyrteng kiba la dep ban ai copy sha ki Seng Saiñ pyrthei, ki BLOs, BLAs lane na ka ophis jong u ERO jong ka 30 Mairang Assemby constituency ha ki sngi long trei.bad na ki polling station kata naduh ka 5 tarik Nailar haduh ka 4 trik Nailur 2026.
Shuh shuh lada don kino kino ki jingbakla ha ki kyrteng na ka liang ka tnad Eelection ka sap hah jingtip lyngba ki BLOs na ka bynta ba kin leit ban pynshisha khnag ban lait na ka jingshah thok.
Kumta la kyrpad ba kin peit bniah ïa la ki jong ki jong ki kyrteng jong ki ha ka draft Electoralroll ban ban pynthikna ba kan ym don kano kano ka jingbakla. Nalor kata la pyntip ruh ba lada don ka jingduna laner ki jingbakla ha ka jingpynrung kyrteng la ailad ba kin pynbeit ban pynbit pynbiang dakaba pyndap ha ka form 6, 6A 7 bad 8 katkum ki jingdon kam bad ki submit ïa kitei ki form sha ki EROs lane ha ki polling station lyngba ki BLOs kiba la thunglada phah da ka post ophis sha ka Deputy Commissioner (Election) Eastern West Khasi Hills District Mairang.
