Mairang, Naitung 24: Na ka bynta ka jingdonkam ban pynsngewthuh ïa ki paidbah halor ka jingpyntrei kam ïa ki aiñ ki kanun ka District Legal Service Authority West Khasi Hills ha kane ka sngi thohdieng ka 24 tarik Naitung ka la pynlong ïa ka programe ba kyrpang ha ka shnong Sarong Eastern West Khasi hills ban pynshai sha ki paitbah halor ka NLSA Jagriti scheme 2025 kaba la tip kum ka grassroot awareness programe.
Ha katei ka sngi la ïadonlang da u sordar jong ka shnong, ki riew shemphang bad ki nongsaid aiñ ba kynthup ïa ka Kong E. Myrthong, bad ka kong L. Nongrem kiba dei ki Legal Service Councel. Ha katei ka sngi ki nongsaid aiñ ki la pynshai ba ka NALSA Jagriti bad Grassroot Awareness ka dei ka bynta ba kongsan ban pynshai sha ki paidbah halor ki aiñ ban ïada ïa ki khynnah na ka jingshah lehbor, shah thombor bad ka aiñ kaba ïadei bad ka Protection Of Children from Sexual Offences (POCSO Act).
Ha kajuh ka por ki la pynshai ha kaba ïadei bad ka aiñ kaba bad ka hok longbriew manbriew, ka hok jong kiba don jingduna ha ki dkhot met. Shuh shuh kitei ki nongsaid aiñ ki la pynshai kham bniah ha kaba ïadei bad ki aiñ kiba ïa ka jingshongkha khlem pat dei por bad kumno ban pynsngewthuh ïa ki khynnah samla ba kin kiar na katei ka jingshong kha khlem pat dei por.
