Shillong, Naitung 24: Ka sngi kaba ar jong ka lympung ïalehkai ‘32nd State Level Inter School Karate Tournament 2026’, ka la long kaba shongshit bad kaba itynnad da ka jingïakhun ki khynnah rit kiba naduh 6 haduh ka 10 snem ka rta.
ïa kane ka lympung kaba lai sngi lynter la pynlong da ka All Meghalaya Karate-Do Association (AMKA) ha Multipurpose Indoor Hall, ka Sports Authority of India Centre, ha NEHU, ryngkat ka jingkyrshan na ka tnat jong ka Directorate of Sports & Youth Affairs ka sorkar jylla.
Ha kane ka kynti tang ki khynnah rit, kiba la poi ban ïashim bynta ki la kynjoh sha ka saw spah tam, kiba la wan na kylleng sawdong ka jylla, ïa kaba la pynshit pynshngaiñ bad wan ban ai mynsiem ïa ki da ki kmie ki kpa bad ki baha ïing ka sem.
Dei na kum kane ka rta ïalehkai, kiba ka AMKA ka la lah ba kan sei ïa ki rang bad ki khlur ïalehkai, kiba nylla bad kiba kynsai tam tad haduh ba kin da lah ban wanrah ïa ka nam bad ka burom ïa ka jylla hi baroh kawei.
Kane ka lympung ïalehkai kan poi noh sha kaba kut ha kane ka sngi Saitjaiñ.
