Jowai, Naitung 21: Ka Special Intensive Revision (SIR) kaba la sdang naduh ka 30 tarik u Jylliew ha baroh ki 313 tylli ki Polling kiba hap hapoh ki 5 tylli ki Assembly Constituency ha West Jaiñtia Hills District ka la poi sha ka thong kaba khraw da kaba lah ban sam ïa ki Enumeration Forms (EFs) sha baroh ki nongthep votes hapoh ka District.
U Deputy Commissioner (Election), West Jaiñtia Hills District, ula pyntip ba haduh ka 21 tarik Naitung, 2026, la sam haduh 2,20,478 tylli ki phorm jingkheiñ (EF) kiba la lah ban pynurlong da kaba pynpoi 100 percent ïa ki sha ki paidbah nongthep vote jong ka District kaba dang ïaid shakhmat.
Na baroh ki Enumeration Form ba la sam, 1,26,248 tylli ki phorm la dep ban pynkylla da ka digital (digitalisation) kaba long 57.26 percent jong ki nongthep vote. Napdeng ki Assembly Konstitwensi, ka Amlarem ka dei kaba heh tam ka jingkiew haka Digitization kaba long 77.72 percent, bud sa ka Raliang 56.42 percent, ka Mowkaiaw 52.71 percent, ka Nartiang 51.27 percent bad Jowai 49.53 percent.
Ki paidbah kiba donkam ïa kino kino ki jingtip, jingïarap ne jingpynshai ha kaba ïadei bad ka rukom pynbeit thymmai kaba kyrpang ki lah ban ïakynduh ïa ka Help Desk lyngba kine ki number harum. Na ka bynta ka 1-Nartiang- ka kong Felicia Khonglah bad u ma Apreciable Phawa- 7629892575, 9863402988.
2 Jowai- ka kong Last Mary Born Phawa bad u Daladeionmi Dhar- 8014825181,8414088025. 3 Raliang- kong Karrihun Suchiang bad u Pynbiang Sari- 7005839615, 9366792338. Katba ka 4 Mowkaiaw- Ka kong Wanbha Lhuid bad ka kong Daiashanlang Phawa- 9863012643, 8258934463.
