Shillong, Naitung 15 : U Myntri ka tnat ka Koit ka Khiah ka sorkar jylla u Bah Wailadmiki Shylla, u la ong ba ka sorkar jylla kan bteng ban buddien ïa ka jingdawa ban kyntiew noh sha ka kyrdan Institute of National Importance (INI) Status ïa NEIGRIHMS.
Haba kren bad ki lad pathai khubor u Myntri u la ong ba ha ka jingwan dang shen jong u Mytnri ka tnad ka Koit ka Khiah jong ka Sorkar Pdeng sha Shillong, u la ïoh ban kren bad u halor kane ka kam.
Katkum ka jingïathuh jong u, ka Sorkar Pdeng ka la kular ban buddien ïa kane ka kam hynrei ka la kyrpad ïa ka jylla ban pynbiang ïa baroh ki kot ki sla kiba donkam.
U la ïathuh ruh ba u Myntri Rangbah ka Jylla u Conrad K. Sangma u la pynpaw ba ka jylla kan bteng ban buddien ïa kane ka jingdawa.
“Ha ki bnai ban wan ngin leit jingïakynduh ïa ki bor ba dei peit ha Delhi ban buddien ïa kane ka kam,” ong u Myntri.
