Sdang hiar ka jingdon kiba ïoh pang TB ha ka Jylla tangba don ki Distrik ba hap ban ïakhun

Shillong, Naitung 15 : U Myntri ka tnat ka koit ka Khiah ka sorakr jylla u Bah Wailadmiki Shylla, u la ong ba katkum ka kaiphod kaba dang ïoh thymmai, ka jingbun ki nongpang Tuberculosis (TB) ha Meghalaya ka la nang hiar, watla dang don katto katne ki district kiba dei ban ai jingïarap kyrpang.
Haba kren bad ki lad pathai khubor, u la ong ba ka jingpynsngewthuh paidbah bad ka jingbud pura ïa ka jingsumar ka long kaba kongsan ban pynduna ïa kane ka jingpang.
“Bun ki nongpang kim lah ban pyndep ïa ka jingsumar namar ki jingeh bapher bapher. Kumta ka long kaba donkam ba kin ïoh jingïarap bad jingïalam lynti lang,” u la ong.
U la ïathuh ruh ba u la thoh sha baroh ki MLA ba kin snohktilang ban ïarap ïa ki nongpang TB ha ki constituency jong ki bad jingïarap pisa ïa ki ban thied ïa ki jingbam ba tei met.
U la pynpaw ka jingkyrmen ba da kane ka jingïarap, ka jylla kan nang ïohi ïa ka jinghiar shuh shuh jong ki nongpang TB ha ki bnai ban wan.
Katkum ka jingong jong u, ki don ar ne lai tylli ki distrik kiba um kwah ban pynpaw kyrteng kiba dang hap ban ïakhun ïa kane ka jingpang.