Shillong, Naitung 12: Ka Reserved Bank jong ka Ri India ka la pynbna ha ka 10/7/2026 ba kan pyndie ïa ki Securities jong ki khyndai tylli ki sorkar jylla ka Ri India ban pynmih pisa T. 24800 klur.
Katkum ka kyrwoh jong ka RBI ka kdew ba ka jylla Meghalaya ruh ka dei kawei na ki jylla kiba ka RBI kan pyndie ïa ka Securities bad ka bah jong ka jylla Meghalaya ka long ban pynmih pisa T.300 klur tyngka.
Haba ïadei bad ka jylla Meghalaya ka la paw shai ba ka por bala buh ban siew ïa ka pisa kan long 12 snem bad ïa ka sur yn sniew man ka riew bnai, ïa ka sut ym buh da ka RBI, ka jingdie ïa ki Securities kan long ha ka 14/Naitung/2026.
Ka Reserved Bank jong ka Ri India kan tyrwa ïa ka jingdie ïa ki Securitas jong ki sorkar jylla lyngba ka E-kuber , ka dor jong kawei ka share kam dei ban duna ïa ka T.10,000.00 tyngka, ka jingpynbna ïa ki kyrteng jong kiba thied kan long ha ka juh ka sngi bad kiba shah jied kin thep ïa ka pisa ha ka 15/7/2026.
Kane ka pisa kaba ki sorkar jylla ki ïoh da kaba die sha ki paidbah ïa ka Securities jong ki ka long ban pyndon kam ha kaba pynlut ïa ka pisa na ka bynta ki kam pynroi hapoh ka jylla.
