Jowai, Naitung 10: Ka Indian Armed Forces ha ryngkat ka jingkyrshan jong ka tnad Sports & Youth Affairs, jong ka sorkar jylla kan pynlong ïa ka 135th Durand Cup 2026 kaba dei kawei na ki jingïalehkai phutbol bala rim tam hapoh ka dewbah Asia.
Kane ka lympung kan sdang naduh ka 25 tarik July haduh ka 23 tarik u August, 2026 ha kylleng ki jaka kum ha Shillong, Guwahati, Imphal, Ranchi bad Kolkata, ha kaba kin don haduh 24 tylli ki kynhun kiba wan ban ïashim bynta.
Shi bynta na kane ka lympung yn pynlong ïaka ‘Durand Cup Trophy Road Show’ haka 13 tarik July, 2026 ka ban sdang naduh Ummulong Beat Houses haduh ha Jowai naduh ka por 10 baje mynstep shaneng.
Ka jingïaid Road Show kan long na – Ummulong – Mukhla – Khliehtyrshi – Ialong – Mihmyntdu – Ladthadlaboh – New Hill – Iawmusiang – DC Office – Mynthong – Khimusniang – Chutwakhu – Mission Compound (Pohskur) –Iongpiah – Panaliar – Dulong – Tpeppale – Iawmusiang.
