Kumba 80% ki jaboh barim ladep pynkhuid na Marten yn pynkhuid lut phar hapoh khyndiat snem

Shillong, Naitung 8 : Ki jaboh ba la rim hapoh Marten ki la jan khuid artad ha kaba palat 2.5 lak ton la dep ban pynkhuid haduh mynta, ong u Symbud Myntri Rangbah ba khmih ia ka Tnad Urban Affairs u Ma Sniawbhalang Dhar ha ka Sngi Balang.
`U Ma Sniawbha ula ong ba ka Sorkar ka la trei shitom ban pynkhuid ïa baroh ki jaboh ha kane ka jaka theh niut kaba la rim (marten) katba ka dang ap ïa ka jaka theh niut ba thymmai na ka bynta ka Shillong.
“Ki jaboh ba don mynta ha Marten ki la jan khuid artad. Ngi la dep ban pynkhuid haduh 2.5 lak ton ka jaboh ba la rim” ula ong haba ïakren bad ki nongthoh khubor haba pynpaw ïa ka jingkyrmen ba ïa kane ka jaka yn sa lah ban pynkhuid bad pynitynnad biang hapoh ki khyndiat snem ban sa wan.
“Ha kine ki khyndiat snem ban wan, kane ka jaka kan sa long da kumwei pat” ula ong.