Shillong, Jylliew 24 : U President bad General Secretary (GS) ka District Youth Congress East Khasi Hills u samla Osbert Wilfred Rynjah bad u samla Kevin J Sunn ki la phah ïa ka shithi iehnoh kam jongki sha u President ka Meghalaya Pradesh Youth Congress mynta ka sngi 24 tarik Jylliew 2026.
Ha kane ka shithi iehnoh kam ki la pynpaw ba ki la rai ban iehnoh ym tang ïa ka kam President bad General Secretary hynrei ban mih ruh na ka Congress da kaba kyntu ïa ki bor ba halor ka party ban weng noh wat ïa ka jinglong dkhot jongki hapoh ka Congress ruh. ïa kane ka rai la shim da ka mon ba laitluid jongki da kaba pyrkhat pat ïa ka lawei jongki.
Ki la ai khublei ïa ka jingailad jongka Congress ïa kib an shakri ha ki bynta baroh ha ka por ba ki dang don hapoh ka Congress. Katba ki lah ki la ai ka jingshakri hok ban pynkhlaiñ ïa ka party bad ban shakri hok ïa ki paidbah ruh kumjuh.
Kumta ki la kyrpad ïa ki bor ba halor ban leh ïa kaba donkam ban pdiang ïa kane ka jingiehnoh kam jongki kum u President bad kum u General Secretary bad kumjuh ruh ban weng syndon ïalade na ka jinglong dkhot hapoh ka Congress.
