Ka jingkhang ba ngan kren ka dei ka jingleh donbor bad balei ki tieng haba ki don ka jingbun paid: Titos
Kynnoh shah pynbor u Chairman ban shah liang
Shillong, Jylliew 19: U nongïalam bad ki MDC ka liang pyrshah kila mih jyndat da ka jingbitar napoh ka ïing dorbar, hadien ba u Chairman jong ka Council u khlem ai lad ïa u Bah Titos W Chyne ban kren halor ka Amenmend.
Ha shwa jong kane ha ka por ba mut ban kren halor ka Amenmend halor ka Khasi Hills Autonomous District Service Rule 2026, ka ïeng kynsan u Chief Executive Member (CEM) bad rah ïa ka point of Order katkum ka Rule 88 a 4 halor ka jinglap ba kam long bym don jingmut shuh.
Na ka liang jong u Bah Strong Kharjana haba khang ïa u Bah Titos Ban kren halor ka Amenmend halor ka The United Khasi and Jaintia Hills Autonomous District (Trading by Non Tribal) (Amenmen) Bill 2026, da kaba u la kdew na ka Rule 88 a 4 bad u Bah Titos u la kynnoh ba u Chairman u la pynduh ïa ka hok jong ki dkhot da kaba u khlem ai lad ban ren wat ha kaba u Chairman u la dep ban pdiang.
Haba kren sha ki lad pathai khubor u Bah Titos u la ong, Ka jingmih noh jong ngi napoh ka ïing dorbar ka long ba ngim sngewmyntoi shuh ban shong hapoh namar ba la pynduh noh ia ka hok jong ngi ban kren bad kam dei ruh ka jingkren kaba nga shu ieng hynrei ka dei ka amenmend ha kaba u Chairman u la pdiang naduh ka sngi bas dang ka dorbar.
“Ka jingthmu ka jong nga ban wanrah ïa ka Amenmend ka long ban kyrpad ïa ka ïing ba la kumno kumno ngin rah shwa sha ka Select Committee kiba la ju jia ha kip or kiba rim” ong u Bah Titos.
Shuh shuh u la ong ba ha ka por ba u long CEM, haba ki dkhot jong ka liang pyrshah kim pat hun ki wanrah da ka amenmend bad kane ka Bills kam dei jong ka EC shimet bad kane kadei ka bills jong ka ïing bad namar ba kadei ka nongkynti jong ka ïing dei ban ai lad ban ïa kren, hynrei myntan la shu pynduh jubor bad khang jubor ïa nga.
“Kane kadei ka jingleh beaiñ bad kaba ym don Rule don aiñ bad kum kane ym pat ju jia” u la ong bad bynrap ruh “balei yn tieng marsien sdang ïa ka amenmend haba ki don ïa ka jingbun paid, ki tieng namar ba ki tieng ioh bay m lah ban jubab ne balei” ong u Bah Titos.
Shuh shuh u Bah Titos u la ong, “Kane kadei ka jingleh donbor, namar ba shwa ban sdang biang ïa ka dorbar ki don jingialang ha karma u Chairman bad imat u Chairman u la shah pynbor ha ki bad kata ka jinglong ban ym shah liang kam don shuh”.