Shillong, Jylliew 17: Ka Mylliem Block Congress Committee (MBCC) ka pynpaw ïa ka jingsngewsih kaba jur bad ka jingsngewlem kaba khraw sha u Bah Vincent H. Pala, President ka Meghalaya Pradesh Congress Committee (MPCC), lem bad ïa ka ïing ka sem jong u halor ka jingkhladnoh ka kmie ba ieit jong u.
Na ka bynta ka MBCC baroh kawei, u President, Bah Lionel Nongkhlaw, u la pynpaw ïa ka jingsngewlem kaba khraw jong u ha kane ka por jong ka jingsngewsih.U la ong ba ka jingïeid, ka jingïalam lynti bad ki jinglenlade jong ka kmie ki long ki jingkyrkhu kiba kordor tam kiba sah junom ha ka jingim jong ki khun bad ka ïing ka sem.
“Ha kane ka por jong ka jingsngewsih kaba khraw, ki jingduwai bad ki jingmut jingpyrkhat jong ngi ki don ryngkat bad u Bah Vincent H. Pala lem bad ka ïing ka sem.Ngin duwai ba U Blei Un ai ïa ki ka bor, ka jingïarap mynsiem bad ka jingsuk ban ïaid lyngba ïa kane ka jingduhnong kaba khraw.Ngi duwai ruh ba ka mynsiem jong ka ba la khlad kan ioh shongthait ha ka jingïa-ieit jong U Trai bad ba ki jingkynmaw ba kordor shaphang jong I, kin btin lynti bad ai mynsiem ïa ka ïing ka sem jong I, ha ki sngi ban wan,” ong u Bah Lionel Nongkhlaw
Ka Mylliem Block Congress Committee ka ïasnohkti lang bad ki paidbah kiba bun ban sngewlem halor kane ka jingduhnong bad ka pynpaw ïa ka jingïadonlang bad ka ïing ka sem ha kane ka por jong ka jingsngewsih, u la ong.
