Shillong, Jylliew 08: U Myntri Rangbah ka Jylla Conrad K Sangma ha ka sngi Nyngkong, u ïathuh ba un dang ban ioh ïa ka kaiphod kaba bniah halor ka jingshah thang ki kali dang shen ha Shillong bad ong ba ka Sorkar kan sa leh ïa kaba donkam hadien bala shong bishar bad ka kynhun jong u.
U Conrad u ïathuh ba ka kaiphod lehse ka lah ban poi ha ka iingsah jong u da ka jingthoh hynrei ym pat iohi satia ïa ka.
Haba pynshong nongrim na ki jingtip ba malu mala, u Conrad ula ong ba kane ka jingjia kam shym paw satia kum ka kam ka ba la ktah ïa ka shongsuk shongsain.
