Peitngor bad pynkhreh ka jylla ban ym saphriang ka jingpang khlam ki sniang, ong u CM

Shillong, Jylliew 04 : U Myntri Rangbah ka Meghalaya, Conrad K Sangma, ha ka sngi Balang u la ong ba ka Sorkar jylla ka dang buddien bad peitngor bha ïa ka jingsaphriang jong ka African Swine Fever (ASF) bad ka la shim ruh mardor ïa ki sienjam ban tehlakam ïa ka
“Kane ka la dei ka jingeh naduh mynshwa ruh, bad mynta ngi dang peitngor ïa ka jingsaphriang jong ka jingpang bad ngi la shim mardor ïa ki sienjam ba donkam,” ong u Conrad haba kren sha ki lad pathai khubor.
Katkum ka jingïa thuh jong u, kane kam dei shuh kaba phylla ha ka jylla hynrei ka dei kaba la ju jia ruh ha ki snem ba la dep mynshwa.
U Myntri Rangbah u la pyntip ruh ba haduh mynta tang khyndiat tylli ki jingjïa kiba la lap kiba ïa dei bad katei ka jingpang khlam ki sniang.
“Ki don tang katto katne tylli ki jingjia hynrei ngin leh katba lah ban pynthikna ba kane ka jingpang kan ym saphriang sha kylleng ka jylla,” u la bynrap.